LAOAG CITY – Binallaagan ti Japan dagiti umili daytoy idiay China a paigetan ti panagannad iti kinatalged ken liklikan dagiti dupudop a lugar iti baet ti kumarkaro a panagginnura iti nagbaetan ti dua a kadakkelan nga ekonomia ti Asya kadagiti komento ni Japanese Prime Minister Sanae Takaichi idiay Taiwan.
Ti advisory nga inruar ti embahada ti Japan idiay China ket simmangpet kabayatan a ti maysa a senior Japanese foreign ministry official ket nagbiahe idiay Beijing tapno makasarita iti Chinese counterpart-na tapno gandaten a kissayan ti tension.
Inallukoy ti China dagiti umili daytoy a saan nga agturong idiay Japan a mabalin a mangitunda ti dakkel a parikot iti ekonomia ti Japan gapu ta ti China ket manarimaan a mangbukbukel ti quarter kadagiti amin a turista basar iti opisial a datos no sadinno a dagiti stock nga adda ti pakainaiganna iti turismo idiay Japan ket bimmagsak.
Nagpalagip ti Japanese embassy idiay China kadagiti umili nga irespetar ti lokal a talugading ken agbalin a naannad iti pannakikoordinarda kadagiti Chinese.
Kiniddawna kadagiti umili nga agbalin a naridam kadagiti aglawlawda no adda iti ruar ken naabisoanda a saan nga agmaymaysa iti biahe ken naballaagan nga agannad iti biahe no kadua dagiti ubbing.
Sinuspenso pay dagiti distributor ti pelikula ti pannakaipabuya ti saan a bumaba iti dua a pelikula a Japanese idiay China iti baet ti kumarkaro a saan a panagkikinnaawatan iti nagbaetan ti Tokyo ken Beijing.
