LAOAG CITY – Nagtalinaed a naka-full alert ti Philippine National Police (PNP) sumagmamano nga aldaw sakbay ti nalawa a rally kontra iti kurapsyon intono Nobyembre 30.
Segun kenni PNP Public Information Chief Brig. Gen. Randulf Tuaño, na naka-type C general office attire dagiti kapulisan para iti manamnama a maiyuswat a tignay protesta.
Umabot iti 167 a pulis ti nakadeploy iti Mendiola kas paset iti pnagsagana da.
GInutigot na met dagiti makipaset iti rally a sumurot iti aniaman a pammilin ti kapulisan, respetaren ti tunggal maysa ken tumulong nga agbalin a natalna ti aktibidad.
Sumagmamano a grupo ti nangibaga a makipagpaset da iti Trillion Peso March kontra iti kurapsyon a maiyuswat iti nagduduma a paset ti Metro Manila.
