LAOAG CITY – Inaprobaran ti Estados Unidos ti dua a panaglako iti armas iti India nga agbalor iti $92.8m, karaman ditoy dagiti Javelin anti-tank missiles ken Excalibur precision artillery projectiles.
Napasamak daytoy, siam a bulan kalpasan nagkita da Indian Prime Minister Narendra Modi ken ni US President Donald Trump idiay Washington.
Iti panagkita ken panagsarita da Trump ken Modi ket inpasingked da nga ilungalong da ti “advance defence ties”.
Maipalagip nga idi Oktubre ita a tawen ket napirmaan ti framework agreement tapno mapalawa ti panagtitinnulong iti depensa iti sumaruno a 10 a tawen.
Naipatungpal ti nasao nga addang kabayatan ti panangikagumaan ti India nga diversify ti suplay ti armas a maiyadayo iti Russia, iti baet dagiti report a ginutigot ni Trump a gumatang iti ad-adu pay nga armas nga inaramid ti Amerika.
