LAOAG CITY – Kinumbiktaran ti Sandiganbayan ti dua a dati nga opisyal ti Department of Agriculture (DA) iti graft gapo iti pannakairaman da iti P3.9 million fertilizer fund scam.
Naduktalan ti Sandiganbayan’s Special Sixth Division ni dati a Regional Technical Director Joel Rudinas ken dati nga accountant Claudia Artazo a guilty beyond reasonable doubt iti panaglabsing iti Anti-Graft and Corrupt Practices Act gapo iti irregular procurement iti nasurok 6,000 bottles iti liquid fertilizer para iti Camiguin idi 2004.
Ti kaso ket pakairamanan ti transaksyon ti departamento iti People’s Organization for Progress and Development Foundation, Inc. (POPDFI), nganinmanehir ti nakabalod a negosyante Janet Napoles, para iti liquid fertilizer iti P800 per liter.
Daytot ket adayo a nangin-ngina ngem iti P165 market rate a nagresulta iti P3.9 million a pukaw ti gobierno.
Iti desisyon, rumbeng a makumbiktaran dagiti dua gapo iti pannakairaman da iti daytoy gapo ta saan a dimmalan iti public bidding nga isu ti ibagbaga ti linteg ken maibilang nga overpriced dagitoy.
Iti met depensa, kuna ni Rudinas a simmurot da laeng iti direktiba ti pimmusay a Regional Executive Director Rufo Chan Jr.
Inpetteng na a nabilin laeng a mangimpormar mainaig iti pannakaiyakar ti pondo manipud Central Office ken maipan kenni dati a Camiguin Province Governor Pedro Romualdo ken ti maseknan a kompanya ken namandar a nagisubmitir kadagiti dokumento.
