LAOAG CITY – Inpasigurado ti Philippine National Police (PNP) a paigetan da dagiti aglaklako iti iligal a klase ti paputok.
Segun kenni acting PNP Chief Lt. Gen. Jose Melencio Nartatez, binilin na dagiti kapulisan iti intero a pagilyan a mangiyuswat ti regular nga inspeksyon kadagiti lugar a pagilaklakoan kadagiti paputok.
Ginutigot na pay ti kapulisan nga agbalin nga alerto gapo ta saan laeng nga iti Bocaue, Bulacan ti mabalin a pagaramidan ken paglakoan kadagiti paputok.
Addaan da pay ti koordinasyon iti dadduma pay nga ahensiya tapno dagus a matiliw dagiti aglako iti iligal a paputok iti pagilyan.
Nagpanawagan ni Nartatez iti publiko nag ireport iti kapulisan ti siasinno man nga aglako iti iligal ken saan nga otorisado a klase ti paputok.
