LAOAG CITY – Inpasigurado ni Mayor James Bryan Alcid iti agtultuloy a suporta ti lokal a gobierno ditoy siudad ti Laoag kadagiti atleta a nakipaset iti Laoag City Athletic Association (LCAA) meet.
Segun kenkuana, ipaayda ti amin a kabaelanda tapno magun-od manen ti Laoag Team ti balligi kangrunaanna iti Region 1 Athletic Association a back to back champion.
Inbatadna a ti Laoag City Athletic Association ti pakapilian dagiti mangibagi ti Laoag City Team para iti Region 1 Athletic Association.
Kunana a napateg ti disiplina, teamwork ken pammati ti tunggal maysa para iti balligi.
Innayonna a napalaos ti panagyamanna kadagiti nakipartisipar ken ti sibubukel a Laoag Team iti panangipakitada ti laingda iti nagdumaduma a tay-ak ti ay-ayam.
