LAOAG CITY – Pormalen a napasilawan ti 80 a metro a kangatona a Christmas Tree iti Botafogo Beach idiay Rio de Janeiro para iti rinibu a napan nagbuya.
Ti Christmas Tree ket katukad ti 30 a kadsaaran a pasdek ket addaan ti 2.3 milyon a LED lights a bukbuklen ti namamaris a kombinasion ken pattern pakairamanan dagiti simbolo ti init, baybay ken ti kinapintas iti siudad.
Kagiddan ti seremonia, naipakita pay ti water ballet performance iti kada kagudua ti oras a pinagtipon ti silaw, special effects ken aggargaraw a synchronize a danum ti baybay.
Nagbalin a baro a pagpasiaran ti siudad ti higante a Christmas Tree a masarakan iti prominente a paset ti Guanabara Bay.
