LAOAG CITY – Inbatad ti Philippine National Police (PNP) nga umabot iti 9,027 police officers ti naikkat iti serbisyo iti napalabas a siyam a tawen kalpasan a naduktalan a guilty kadagiti nagduduma nga administrative offenses.
Iti nasao a bilang, 1,037 ti nadismiss a pulis a karaman iti drug-related offenses wenno nagpositibo iti panagusar ti iligal a droga.
Segun iti pulisya, daytoy ti mangipakita ti agtultuloy a kampanya kadagiti pulis nga addaan ti madi nga aramid ken ti kampanya kontra iti iligal a droga iti organisasyon da ken iti komunidad.
Basar iti datos manipud iti Directorate for Personnel and Records Management (DPRM), umabot iti 32,698 police personnel ti guilty iti administrative charges manipud July 2016 agingga iti November 26, 2025.
Malaksid kadagiti naikkat a police officers, adda pay ti 1,725 a na-demote idinto a 15,311 ti nakaawat ti suspension orders.
Adda pay ti 1,221 personnel a simmango iti forfeiture of salary, 4,355 ti reprimanded, ken 528 ti nakaawat ti restriction penalties.
Kabayatanna, kuna pay ti PNP a ti ummuna a 92 nga aldaw a termino ni acting chief Lieutenant General Jose Melencio Nartatez Jr. ket 1,339 administrative cases a pakairamanan ti 2,308 personnel ti nasolbar.
