LAOAG CITY – Napilaanen ti kaso a panaglabsing ti Republic Act 10591 wenno Illegal a panagikot ti paltog kontra iti maysa a tricycle driver nga immunan a nairaman ti disgrasya iti Barangay Poblacion 2 iti ili ti Pasuquin.
Immuna iti daytoy, kabayatan ti panagpapaamyanan ti Toyota Innova nga inturong ti agtawen ti 33 ken taga La Trinidad, Benguet ket nasapgud ti tricycle a minaneho ti agtawen ti 49, naasawaan, residente iti Barangay Poblacion Uno iti ili ti Pasuquin no sadinno a nairaman pay ti maysa metlaeng a tricycle a nakaparada iti igid ti kalsada.
Gapu iti napasamak ket nagsagana ti sugat ti driver ti tricycle idinto a ti nangiturong ti Innova ket saan a naan-ano.
Iti imbestigasyon dagiti otoridad ket ditoy a nakita da ti ik-ikutan ti tricycle driver a maysa a cal. 9mm pistol nga addaan ti magazine ken bala na.
Awan ti naipakita ti tricycle driver a dokumento ti paltog na isut gapuna a tiniliw ken kinasoan dagiti otoridad.
Nagtalinaed ti suspek iti Philippine National Police iti ili ti Pasuquin.
