LAOAG CITY – Nakumpleton ti dati a Bamban, Tarlac mayor Alice Guo ti amin a medical ken laboratory test kas panagsagsagana iti pannakaiyakar na iti Correctional Institution for Women (CIW) iti Mandaluyong City.
Kinumpirmaran ti Bureau of Jail Management and Penology (BJMP) a naisayangkat iti uneg ti Pasig City Jail ti amin a kasapulan iti panangtingiting.
Inisyu ti Pasig Regional Trial Court ti commitment order a mangibilbilin ti pannakaiyakar ni Guo iti Correctional Institution for Women iti Mandaluyong City tapno isu ti pangrugyan iti panangiserbi na ti sentensiya na.
Segun iti Bureau of Jail Management and Penology BJMP, paset ti standard pre-transfer protocol dagiti panangtingiting daytoy sakbay a mai-turn over ti maysa a balud iti Bureau of Corrections (BuCor).
Immunan nga inbasura ti Pasig RTC Branch 167 ti kiddaw ni Guo nga agtalinaed iti Pasig City Jail, gapu ta ti Bureau of Jail Management and Penology ti naikeddeng a pasilidad para iti high-risk female inmates.
Ni Guo ket na-dismiss kas mayor kalpasan a nairaman iti kontrobersiyal mainaig ti maipagarop a pannakairaman na iti operasyon ti Philippine Offshore Gaming Operators (POGO) hub iti Bamban.
Sumangsango pay ni Guo kadagiti kaso kriminal ken administratibo, karaman ti falsification ken panaglabsing iti immigration laws, kalpasan a kwinestyunaran ti Senado ti pudno a pakabigbigan na.
