LAOAG CITY – Rinugyanen ti Bureau of Fire Protection (BFP) ti nalawa nga information drive maipanggep kadagiti uram nga itunda dagiti paputok.
Daytoy ket paset ti ‘Oplan Paalala: Iwas Paputok’ nationwide campaign ti Bureau of Fire Protection, iti gagem a maipababa dagiti mapaspasamak nga uram iti intero a pagilian kabayatan ti kangitingitan ti holiday.
Segun ken ni Bureau of Fire Protection chief Jesus Fernandez, ngimmato iti 111 ti bilang dagiti nairekord nga uram nga intunda dagiti paputok ken pyrotechnic devices, nangatngato no ikompara iti 31 a nairekord iti kapada a panawen idi 2024.
Kuna na a nalawag a kasapulan ti nalawa nga information campaign tapno maliklikan ken naan-anay a maipababa dagiti nasao a klase ti uram.
Innayon na a dakkel pay a tulong ti dagus a panangsurot ti publiko.
Kabayatanna, mangrugi intono Disyembre 23 ket maipangato ti full alert status iti Bureau of Fire Protection, no sadinno nga agpaot daytoy agingga iti Enero 1, 2026.
Inpakaammo ni Fernandez a nasurok a 31,000 a Bureau of Fire Protection personnel ti agbantay, tumulong ken agresponde iti aniaman nga emergency, kangrunaan na dagiti insidente ti uram.
