LAOAG CITY – Inpakaammo ni Ms. Shey Pia Abaya, Assistant Manager ti Public Employment Service Office ditoy siudad ti Laoag nga adda ti maiyuswat a Job Fair inton Disiembre 10 iti Auditorium iti Laoag City Hall.
Inbatadna nga adda ti 15 a nagduduma a kompania ti nakikammayet kadakuada.
Inlawlawagna a karaman payen dagiti agplanplano nga agtrabaho iti ballasiw taaw gapu ta adu pay dagiti agkasapulan a kompania.
Kunana a daytoy ket dakkel a tulong kadagiti umili gapu ta maikkanda ti oportunidad a maaddaan ti trabaho.
Innayon ni Abaya a bisitaen laeng ti Facebook page iti opisinada gapu ta makita ditoy dagiti mabalinda a pagaplikaran a trabaho ken dagiti dokumento nga itugotda.
