LAOAG CITY – Ibilang ni Police Captain Sygman Benigno, chief of police ti Philippine National Police (PNP) iti ili ti San Nicolas a kontrolado ti trapiko.
Segun kenni Benigno, daytoy ket kalpasan a naiyakar ti peryaan iti Barangay 16 ken ti pagay-ayam iti basketball ket iti Auditorium.
Inlawlawag na nga iti napalabas a tawen ket dagiti ktibidad iti pyesta ti rason ti panagirot ti trapiko kangrunaan na iti sentro.
Inbatad na pay nga ita a tawen nalaglag-an ti taray ti trapiko gapo ta mabingay dagiti tattao a mapan agbuya kadagiti nagduduma nga aktibidad.
Mainaig iti daytoy, inpasigurado na nga agtultuloy ti naiget a panagmonitor ken panagbantay da para iti segirudad ti publiko.
