LAOAG CITY – Inpasigurado ni House Speaker Faustino “Bojie” Dy III nga agtalinaed a katulungan dagiti mangmanggeg a Pilipino manggagawang Pilipino ti kamara de representantes, kagiddan iti agtultuloy a panangilungalong da kadagiti reporma, pabor iti labor sector.
Iti panagbitla na iti maika-50 nga anibersaryo ti Trade Union Congress of the Philippines (TUCP), inbatad ni Dy a silulukat ti Kamara de representantes iti pannakitinnulong kadagiti unyon ken organisasyon ti mangmangged nga ibilang na a napateg iti panagdur-as ti pagilian.
Inpetteng ni Speaker Dy dagiti gakat nga ilunglungalong iti kongreso, karaman ti natibtibker a proteksyon kontra iti diskriminasyon iti trabaho, pannakapatalged ti barangay-level workers’ registry, modernisasyon ti National Registry of Workers, ken pannakapatibker ti programa aTUPAD para kadagiti displaced ken vulnerable workers.
Dinakamat na pay ti suporta ti kamara de representantes iti freelancer ken online workers, panangilunglong iti nainkalintegan a minimum wage system, ken ratipikasyon ti ILO Convention 188 para iti proteksyon dagiti mangngalap.
Segun ken ni Dy, nalawag ti mensahe ti kamara de representantes a saanna nga isardeng ti laban para iti ad-adda a makatao, nainkalintegan a pagannurutan para kadagiti mangmangged a Pilipino.
