LAOAG CITY – Adda ti 500 a libre a titulo nga ipaay ti gobierno probinsyal kadagiti nanggundaway ti “Titulo a Natalged Program” ditoy probinsya.
Daytoy ti inbatad ni Mrs. Eva Duyor iti Provincial Assessor’s Office.
Kuna na a plano a maipaima dagiti titulo kadagiti benepisyaryo ti programa intono Pebrero iti sumaruno a tawen.
Innayon na a 500 laeng ti maipaayan ti libre a titulo gapu ta isu ti nakaumanayan ti pondo nga inlatang ti opisina da.
Ti nasao nga aktibad ket paset ti selebrasyon iti maika-208 a Founding Anniversary ti Ilocos Norte.
