LAOAG CITY – Nasugatan ti maysa a soldado iti napasamak nga engkwentro iti nagbaetan dagiti tropa ti gobierno ken ti Philippine Army iti Barangay Abang, Bucay, Abra.
Daytoy ti kinumpirmaran ni Lt Col. Luis Banoey, ti Commanding Officer iti 77th Infantry Battalion ti Philippine Army.
Inbatad na nga adda dagiti naawat da nga impormasyon manipod kadagiti residente iti lugar nga adda ti presensya dagiti rebelde a grupo, no sadinno a dagitoy ket agpangpangta ken agkolkolektar da ti nagduduma a banag.
Inpakaammo na a gapu iti panagamak dagiti residente iti lugar ket nagreport da iti Philippine Army.
Gapu iti daytoy, napanda inberipikar ti impormasyon ngem ditoy metten a napasamak ti engkwentro a nakasugatan ti maysa a tropa da. Nupay kasta, addan iti stable a kasasaad ti nasugatan a kadwa da ken saan a nakaro ti sinagaba na a sugat
