LAOAG CITY – Ginutigot ti Office of Public Counsel for Victims (OPCV) ti International Criminal Court (ICC) nga ikeddengen ti confirmation of charges hearing kontra ken ni dati a Presidente Rodrigo Duterte nga awan ti pannakaitantanna.
Daytoy ket kalpasan ti unanimous decision ti medical experts panel a ‘fit to stand trial” ni dati a Presidente Duterte.
Iti maysa a confidential filing iti Pre-Trial Chamber I, inbatad ni Office of Public Counsel for Victims Principal Counsel Paolina Massidda a mangipakpakita ti joint ken individual reports ti medical experts nga awan ti medical condition a ti dati a Presidente a makalapped kenkuana tapno sangoen ti pre-trial proceedings.
Inpetteng ni Massidda a kualipikado dagiti biktima para iti expeditious process gapu ta nagdesisionen ti medical experts a “fit” a ti dati a Presidente a sangoen ti panangtingiting kontra kenkuana.
Nupay kasta, iti defense team ni Duterte, naiget a kinontrada ti findings ken inkalintegan a maawatanda ti dati a Presidente ti nature ti criminal process ken kabaelanna a mangiserrek ti apela, ti short-term memory ket “demonstrably impaired.”
Basar iti depensa, uray mangngeg ti dati a Presidente ti ebidensia iti korte, alistona daytoy a malipatan ken marigatan a mangikumpara kadagiti dadduma nga ebidensia isut gapuna nga inkalintegan ti depensa, maperperdi ti panagbalin a patas no saan a kabaelan a depensaan ti suspek ti bagina wenno saanna kabaelan a mangipaay ti instruction ti abugadona.
Dinakamat ti depensa ti internal contradictions dagiti eksperto kadagiti sumagmamano a banag pakairamanan ti panagsangpet iti panagbalin a nakapsot ti dati a Presidente, pannakapukaw ti panagdengngeg ken saan a mailawlawag a panagkuttong ken panagbalin nga “unreliable historian” iti bukudna a salun-at ken dagiti sintomas.
Mainaig iti daytoy, kiniddaw ti depensa iti Pre-trial Chamber nga ag-convene ti maysa nga “evidentiary hearing” tapno kitaen ti konklusion dagiti medical expert, methodologies ken dadduma pay no sadinno a dagitoy a panagdengngeg ket maysa nga standard practice iti naruay a jurisdictions ken iti international tribunals.
