LAOAG CITY – Natay ti siam nga indibidual ken 10 ti nasugatan gapu iti tavern attack iti asideg ti Johannesburg idiay South Africa.
Basar iti imbestigasion, adda ti agarup 12 a saan pay a nabigbig a suspek ti simmangpet a nakalugan ti 2 a lugan iti Bekkersdal ket ditoy a pinaltu-paltoganda dagiti makitada a tattao iti lugar ken insigida dagitoy a naglibas.
Mainaig iti daytoy, ti South Africa ket maibilang a maysa kadagiti highest murder rates iti intero a lubong no sadinno nga 45 a tattao iti kada 100 a ribu kas maibasar iti 2023-2024 figures manipud iti United Nations Office on Drugs and Crime.
Immuna iti daytoy, iti nasapa a paset ita a bulan ket adda ti saan a bumaba iti 11 nga indibidual pakairamanan ti ubing ti napaltogan iti hostel nga asideg iti Pretoria.
