LAOAG CITY – Balligi a naarestar ti maysa a Most Wanted Person a maibilang a Top 10 Regional Level iti ili ti Pagudpud.
Daytoy ket babaen ti nagtitipon a puersa ti Pagudpud Municipal Police Station, PIT Ilocos Norte RIU 1, 101st MC RMFB1, 1st INPMC, PIU-INPPO ken Adams Municipal Police Station.
Nabigbig ti suspek a ni Joey Mark Emperador Francisco alyas Uhep, agtawen ti 25, awanan asawa, laborer residente ti Barangay Pancian iti ili ti Pagudpud.
Natiliw ti suspek babaen ti bileg ti Warrant of Arrest gapu iti panagrames nga awan ti nairekomendar a pagpiyansana.
