LAOAG CITY – Mamati ni Vice President Sara Duterte nga adda ti pakainaiganna iti 2028 presidential elections ti pannakaikonektar kenkuana iti maibagbaga a dati a tauhan daytoy a ni Ramil Madriaga a nakabalud iti Camp Bagong Diwa idiay Taguig City.
Inpetteng ni Vice President Sara a saanna nga am-ammo ni Madriaga a mangitudtudo kenkuana iti confidential funds controversy ken iti Philippine Offshore Gaming Operators (POGOs).
Maipapan met iti agwarwaras a ladawanda ken ni Madriaga, kuna ni Vice President Sara a naruay met a Pilipino ti addaan ti individual picture kenkuana.
Kabayatanna, mainaig iti main-inaw a baro nga impeachment kontra iti Bise Presidente, inbatad ni Vice President Sara a nabannogen dagiti umili iti kastoy a paulit-ulit a pananggipit.
