LAOAG CITY – Nangipabanto ti Estados Unidos ti strikes kontra iti militants a konektado iti Islamic State group (IS) iti north-western Nigeria, no sadinno nga inkarigatan dagiti militants ti mangestablisar ti pagnaedan da.
Kinumpirmaran ti US military a ti kampo a pagnanaedan ti grupo iti Sokoto state nga asideg ti border ti Nigeria ken Niger ket natamaan ti strikes.
Saan pay a nalawag no mano ti bilang dagiti casualties ngem agpada nga inrakurak ti US ken Nigerian officials a natay dagiti militants.
Mainaig iti daytoy, inpetteng ni US President Donald Trump a ti Christmas Day strikes ket makapatay ken inawagan na ti grupo a terorista a basura a ti punpuntiryaen da a papatayen ket dagiti inosente a kristiyano.
Kuna met ni Nigerian Foreign Minister Yusuf Maitama Tuggar a ti napasamak ket “joint operation” ken awan ti pakainaigan ti partikular a relihiyon.
