LAOAG CITY – Nakasaganan ti Business Permit and Licensing Office ditoy ciudad ti Laoag iti pannakaisayangkat ti renewal ti business permit intono Enero 2026.
Daytoy ti inpakaammo ni Atty. Charito Malicad, ti mangidadaulo iti Business Permit and Licensing Office ditoy ciudad ti Laoag.
Kuna na nga addan ti immuna a pannakitaripnong na kadagiti bookeepers nga akin-iggem kadagiti records ti negosyo ditoy ciudad.
Inbatad na a ditoy a naipaakammo ti baro a sistema a mausar.
Kunana a daytoy ket maysa nga online system a mangipaay ti gundaway kadagiti permittees nga agaramid ti online account da ken ditoy nga ipasa da lattan ti requirements a kasapulan ti panag-renew tapno saanen a kasapulan nga agturong da a mismo iti city hall.
Innayon na nga adda payen ti immuna a pannakikoordinar da iti Department of Communication and Technology iti panangisayangkat da ti dry run idi Disyembre 21 ken 22.
Inpakaammo na pay a ditoy a nakita no adda dagiti problema wenno kasapulan a plastaren tapno agbalin a naannayas ti renewal into enero iti umay a tawen.
