LAOAG CITY – Inpakaammo ni P/Col. Renante Baltazar, mangidadaulo ti Philippine National Police – Aviation Security Group iti rehion uno a naruay a pasahero a naggapu iti Hawaii idiay Estados Unidos ti kangrunaan a sumangsangpet iti Laoag International Airport ita nga holiday season.
Segun kenkuana, kaaduan kadagiti naggapu idiay Hawaii ket residente ditoy Ilocos Norte a nagbakasion ita a paskua ken baro a tawen.
Inbatadna a manamnama nga adu pay dagiti sumangpet a pasahero manipud idiay Hawaii kadagiti sumarsaruno nga aldaw.
Kabayatanna, inlawlawag ni P/Col. Baltazar nga adda ti maysa a pasahero ti nakabati ti bagahena iti Ninoy Aquino International Airport no sadinno nga innala ti simmaruno met laeng nga eroplano ken awan ti napukaw iti daytoy.
