LAOAG CITY – Ad-adda pay a limmawa ti tignay protesta iti Iran kontra iti inflation ken panagbaba ti balor ti kwarta da.
Addan ti tallo nga aldaw ti maiyus-uswat a tignay protesta a nangrugi iti Tehran ken iti agdama ket maiyus-uswat iti nagduduma a ciudad ti nadakamat a pagilian.
Naiwaras met dagiti pulis tapno masigurado a maipatungpal ti seguridad iti lugar.
Inbilin ni Iranian President Masoud Pezeshkian kadagiti gabinete na nga agaramid a dagus ti addang ken solbaren dagiti panawagan dagiti demonstrador.
