LAOAG CITY – Inbatad ni Police Capt. Sheryl Cacayorin, ti pannakangiwat iti Ilocos Norte Police Provincial Office a generally peaceful ti panangsarabo ti baro a tawen 2026.
Daytoy ket iti baet nga adda ti dua a kaso ti firecracker related-injuries a nairekord ti nailian a pulisya ditoy probinsya no sadinno a maysa iti ili ti Dingras ken maysa met iti ditoy ciudad ti Laoag.
Maipalagip nga iti napalabas a tawen ket ad-ado dagiti nairekord a nasugatan gapu iti paputok ken adda pay ti nag-indiscriminate firing.
Inpasingked ni Cacayorin nga agpapan ita ket nakaalerto paylaeng ti nailian a pulisya, ken katulungan da pay dagiti opisyal ti barangay ken dadduma a maseknan nga ahensya ti gobierno para iti panagsubli metten dagiti residente a napan nagbakasyon iti holidays.
