LAOAG CITY – Inadmitir ni Mayor James Bryan Alcid nga adda ti pannakariknana ti pressure iti pannakipaset ti Schools Division ditoy siudad ti Laoag iti 2026 Region 1 Athletic Association Meet.
Daytoy ket iti baet a nag-back to back champion ti Schools Division ditoy siudad ti Laoag iti napalabas a dua a tawen.
Inpanamnamana a 100% a nakasuporta ti lokal a gobierno a mangipaay ti tulong kadagiti amin a nakipaset nga umaayam.
Inbatadna a malaksid kadagiti local trainer ket nang-hire-da pay kadagiti national trainer a mangtulong a mangasa iti abilidad dagiti atleta.
Maipalagip nga inpakaammo ni Mr. Hipolito Salva, mangidadaulo ti City Sports and Development Office ditoy siudad ti Laoag a nangrugin ti panagsanay dagiti 592 nga atleta ditoy siudad ti Laoag para iti mapaspasangasangan a Region 1 Athletic Association Meet.
Kabayatanna, maisayangkat ti Region 1 Athletic Association Meet inton Abril 9 agingga iti 11 idiay Candon City, Ilocos Sur.
