LAOAG CITY – Nakaawat ti naruay a pammadayaw ti City Social Welfare and Development Office ditoy siudad ti Laoag.
Daytoy ti naragsak nga inpakaammo ni Mrs. Perlita Cabello, mangidadaulo iti nasao nga opisina.
Segun kenkuana, nakaawat ti opisinada ti nagduduma a pammadayaw kas ti Best Good Practice Documentation Awardee, Cash Incentives to the Older Persons of the City of Laoag Celebrating Milestone Award ken dadduma pay.
Inbatadna a dagitoy a pammadayaw ket manipud pay iti Department of Social Welfare and Development Office Region 1.
Kunana a dagitoy a pammadayaw ket gapu iti naiget a panagtrabahoda para kadagiti umili ditoy siudad kangrunaanna kadagiti ubbing ken senior citizen.
Kabayatanna, napalaos ti panagyamanna ken ni Mayor James Bryan Alcid iti agtultuloy a panangsuportana iti opisinada.
