LAOAG CITY – Nangiparuk-at ti Regional Trial Court iti Sta. Cruz, Laguna ti warrant of arrest kontra iti negosiante a ni Charlie “Atong” Ang ken 17 a dadduma pay gapu iti kaso a kidnapping with homicide.
Ti nasao a kaso ket maibilang a non-bailable offense, isut gapuna nga awan ti piyansa nga inkeddeng ti korte.
Basar iti pammilin, adda ti umdas a probable cause tapno ibilin ti panangarestar kadagiti akusado.
Inbilin ti korte iti pulisia nga agusar ti body-worn cameras ken recording devices iti panagserbi ti warrant tapno masigurado ti transparency.
Ti kaso ket mainaig iti pannakapukaw ken pannakatay dagiti mammallot a nagbalin a dakkel nga isyu ditoy pagilian.
Gapu iti daytoy, manamnama nga agbalin a naiget a mabantayan ti proseso iti panangarestar ken panangtingiting kadagiti akusado.
Kabayatanna, bayat a maisursurat daytoy a damag ket awan pay ti inparuk-at a rakurak ti kampo ni Ang mainaig iti daytoy a banag.
