LAOAG CITY – Inpakaammo ni Mayor James Bryan Alcid ditoy ciudad ti Laoag a malaksid iti decibel meter ket gimmatang pay ti breath analyzer.
Kunana a daytoy ket ginatang na babaen ti personal a kwarta na ken maibilang kas donasyon na iti gobierno lokal ditoy ciudad.
Inlawlawag na nga isuna paylaeng ti gimmatang kadagitoy a ramit tapno tapno maeksamen da ti kalidad da sakbay nga ag-procure ti gobierno lokal ditoy ciudad.
Innayon na a no ag-procure da ket nabaybayag ken awan pay ti pondo da isut gapuna nga isuna paylaeng ti gimmatang manipod iti bukodna a bulsa.
Mainaig iti daytoy, inbatad ti mayor nga inyalikagom na ti gimmatang ti breath analyzer gapu iti kaado dagiti napaspasamak a disgrasya idi disyembre 2025 no sadinno a kaadoan kadagiti nairaman ket nakainom ti nasanger.
Patien na a babaen iti daytoy ket maprotehiran ken maliklikan dagiti motorista a mangiturong ti behikulo a nakainom ti arak gapu ta saan laeng nga isuda ti possible a madisgrasya no di ket dakkel ti posibilidad na nga adda dagiti inosente nga agbalin a biktima da.
