LAOAG CITY – Nagballaag ni Senador Francis “Kiko” Pangilinan kadagiti manggandat a mangtakaw ti pondo a para iti farm-to-market roads (FMRs) nga agsungbat ket mapatuludan ti summon para kadagiti potensyal a panagdengngeg iti senado.
Inaramid daytoy ni Pangilinan, chairman ti Senate committee on agriculture, food, and agrarian reform, kagiddan ti panangipaganetget na a maisagsaganan dagiti ebidensya para iti pannakaipila ti kaso kontra kadagiti karaman iti proyekto a manarimaan a maim-imbestigar gapu iti maipagarop a korapsyon.
Iti babaen ti 2026 budget, adda ti nailatang a P33 billion a para iti farm-to-market roads.
Ti pondo ket maiyalokar para iti agarop 1,600 a baro a Farm-to-Market roads a maiyimplementar ita a tawen.
