LAOAG CITY – Inbatad ti Philippine National Police (PNP) nga irebrebisar da ti possible a criminal ken administrative cases kontra kadagiti pulis a maipagarop a tumultulong iti pugante a negosyante a ni Atong Ang tapno saan a maarestar.
Segun ken ni Philippine National Police public information chief Brig. Gen. Randulf Tuaño, basar iti impormasyon da, adda dagiti police officers a mangas-asistir ken ni Ang.
Inrakurak na nga inbilinen ni Acting PNP Chief Lt. Gen. Jose Melencio Nartatez Jr. iti Directorate for Investigation and Detective Management (DIDM) nga amwen da no siasinno dagiti pulis a tumultulong iti pugante a negosyante.
Nagkedked paylaeng ni Tuaño a nangipublikar ti bilang dagiti police officers a maim-imbestigar ngem kinumpirmaran na a karaman ditoy dagiti senior PNP officials.
Immuna iti daytoy, inbutaktak ni Department of the Interior and Local Government Secretary Jonvic Remulla nga im-imbestigaren da ti uppat a retirado a police generals gapu iti maipagarop a koneksyon da ken ni Ang.
