LAOAG CITY – Inbatad ti Malakanyang a respetaren ni Presidente Ferdinand Marcos Jr. ti panagpila ti impeachment complaint kontra kenkuana ti kababaan a pagpandayan linteg iti kongreso.
Para iti Malakanyang, ti nasao nga addang ket paset ti demokratiko a proseso iti babaen ti Konstitusyon.
Inbatad ti Presidential Communications Office (PCO) a bigbigbigen na ti karbengan dagiti indibidual wenno grupo nga agpila ti reklamo ken nangirakurak ti panagtalek na ti ti Kongreso, kas maysa nga ‘coequal’ a sangay ti gobierno, ket agtignay a napudno, addaan ti integridad ken dayaw iti ‘rule of law’.
Kuna pay ti Presidential Communications Office a ti presidente ket naan-anay a mangitandudo ti konstitusyon ken agtalinaed ti panagtalek na iti napigsa a democratic institutions ti pagilyan iti baet ti reklamo kontra kenkuana.
Inpetteng ti Presidential Communications Office a kabayatan a maisaysayangkat ti constitutional processes, itultuloy met nga aramiden ti presidente ti trabaho ken obligasyon na ken inpasigurado na a ti operasyon ti gobierno ket saan maisardeng ken maapektaran.
Immuna iti daytoy, naipila ti umuna nga impeachment complaint kontra ken ni Presidente Marcos iti Kamara de representantes gapu iti maipagarop a pannakairaman na iti 2025 corruption scheme maipanggep iti unprogrammed appropriations, ken dadduma pay nga isyu.
Insumitir ni Atty. Andre de Jesus ti reklamo iti opisina ni House Secretary General Cheloy Garafil ken inyendorsar ti reklamo ni Deputy Minority Leader ken Pusong Pinoy party-list Rep. Jernie Nisay.
Karaman kadagiti nadakamat ni Nisay a grounds ket ti panangibilin ti presidente iti panangdukot ken panangisuko ken ni dati a Presidente Rodrigo Duterte iti International Criminal Court.
Inakusaran na pay ni Marcos a drug addict a maipagarop a makaapektar iti judgment ken leadership ti presidente.
Dinakamat pay ni Nisay ti maipagarop a pannakapaay ti presidente a nangi-veto ti unprogrammed appropriations ken dadduma pay nga unconstitutional provisions iti General Appropriations Acts pra iti 2023, 2024, 2025, ken 2026 ken ti alegasyon na a nairanud ni Marcos iti kickbacks iti budget insertions ken ghost flood control projects.
