LAOAG CITY – Inbatad ni Mayor James Bryan Alcid a napan nag-courtesy call iti opisina na ni P/Lt.Col. Ryan Retotar, ti baro a chief of police ditoy ciudad ti Laoag.
Kuna ni Alcid a karaman kadagiti kalikagom na ket ti panangitultuloy ti baro nga hepe ti Philippine National Police ditoy ciudad ti Laoag dagiti napipintas nga aramid ken no ania pay dagiti rumbeng a mapadur-as a pagsayaatan dagiti umili ket isu ti maipatungpal.
Malaksid kadagitoy, ti maysa pay a kalikagom ti mayor ket ti ad-adda a pannakaipababa ti krimen ditoy ciudad isut gapuna a napateg ti pannakaiwaras dagiti kameng ti pulisya tapno agbantay iti nagduduma a paset ti ciudad.
Inadmitir ni Mayor Alcid a saanda pay a nakapagsarita a nasayaat ken ni Retotar ngem ti latta ipangpangruna da ket ti seguridad dagiti umili ditoy ciudad ti Laoag.
