LAOAG CITY – Nagpalagip ti gobierno lokal ditoy ciudad ti Laoag kadagiti Barangay Service Point Officers mainaig iti nagduduma a programa a pagsayaatan dagiti residente ditoy ciudad.
Inbatad ni Mrs. Janet Retamal, ti mangidadaulo ti Population and Development Office, a dagiti brgy. service officers ti kangrunaan a katulongan ti city government a mangiyimplementar ti pakaseknan ti family planning, nutrision ken salun-at dagiti bumarangay.
Mainaig iti daytoy, maragsakan ni Retamal gapo ta nagatendar amin dagiti brgy. service officers manipod iti nagduduma a barangay ditoy ciudad ti Laoag.
Kabayatan ti nasao nga aktibidad ket napagsasaritaan dagiti rumbeng a matratar kasta met dagiti plano ken kalikagum a maiyemplementar iti barangay da.
Namnamaen ni Retamal a babaen iti daytoy ket magun-od nga insigida dagiti kalikagom ti city government ken mailiklik dagiti residente ditoy ciudad kadagiti nagduduma a social problems.
