LAOAG CITY – Adda manen ti dua a centenarian ditoy ciudad ti Laoag ti nakaawat ti cash incentive.
Dagitoy ket isuda Teodora Abuel, agtawen ti 103, taga Barangay 51-A, Nangalisan ken ni Getrudez Maximo, agtawen ti 101, residente iti Barangay 57, Pila ditoy ciudad ti Laoag.
Segun kenni Mrs. Perlita Cabello, ti mangidadaulo iti City Social Welfare and Development Office nga adda iti kaipapanan ti atiddog a biag ti maysa a Laoagueño.
Kunana a pammaneknek dagitoy a ti nasalun-at a panagbiag ken pammateg ti pamilia ti tulbek a nadanonda dagiti edad da no sadinno a pundasion ken paset dan ti pakasaritaan ti siudad.
Kas panagyaman ti gobierno lokal ditoy ciudad kadagiti centenarians ket naipaayan da ti cash incentive babaen ti Milestone Awards wenno benepisio kadagiti Laoagueño a makadanon ti tawen da a 70 agpangato.
Innayon ni Cabello nga ado pay dagiti sumarsaruno a makaawat iti nasao nga insentibo.
