LAOAG CITY – Posible a lukatan manen ti Senado ti na-archive nga impeachment trial kontra ken ni Vice President Sara Duterte no bilang aprobaran ti Korte Suprema ti motion for reconsideration nga inpila ti House of Representatives.
Inbatad ni House Committee on Justice Chairperson ken Batangas Rep. Gerville Luistro ti maminsan manen a panangbiag iti kaso ket nakadepende iti iparuk-at a desision ti Korte Suprema inton Pebrero 7.
Inlawlawagna a ti manarimaan a legal a pagsasaritaan iti Korte Suprema ket adda ti pakainaganna iti “second mode” ti impeachment no sadinno a sumurok iti one-third kadagiti miembro ti Kamara ti nagpirma iti reklamo.
Kunana a no ibasura ti Korte Suprema ti motion for reconsideration ket kasapulan pay a suroten ti requirement para iti notice ken hearing.
Nupay kasta, inpettengna a saan nga agbalin a lapped ti nakapenpen a kaso iti Korte Suprema no adda ti ipila a baro nga impeachment complaint iti babaen ti first mode wenno dagiti reklamo a dumalan pay laeng iti panangtingiting ti Committee on Justice.
