LAOAG CITY – Saan a makipaset ti ili ti Sarrat iti pannakaisayangkat ti Tan-ok Festival 2026.
Daytoy ti kinumpirmaran ni Mayor Ralph Conrad Medrano iti ili ti Sarrat.
Inlawlawag ti mayor nga intono Pebrero 28 a pannakaisayangkat ti Tan-Ok Festival ket isu met ti kapiyestaan iti nasao nga ili.
Innayon na a saan da a kabaelan a paggigiddanen dagiti agkakadakkel nga aktibidad.
Mainaig iti daytoy, inpakaammo ti mayor a nakapagsarita da metten ken ni Governor Cecilia Araneta no sadinno nga inlawlawag na a naimbag kenkuana ti rason no apay a saan a makipaset ti ili ti Sarrat iti Tan-ok Festival, banag a naawatan met ti ina ti probinsya.
Inadmitir ni Medrano a masayangan iti saan a pannakipaset ti ili ti Sarrat iti Tan-Ok Festival 2026 aglalo ket daytoy ti umuna a panagtugaw na kas mayor iti nasao nga ili.
