LAOAG CITY – Inlawlawag ni Konsehal John Michael Fariñas, Chairman ti Committee on Environment ditoy ciudad ti Laoag a babaen iti Trash to Cash Program ti SM Laoag ket magatang iti P2.00 iti kada kilo dagiti karton ken dagiti plastic, Lata /Tin (Aluminum & Tin Cans) idinto a P3.00 iti kada kilo dagiti galba ken P5.00 per kg ti landok.
Immunan a nangipasa ti Sangguniang Panlungsod ditoy siudad ti Laoag ti maysa a resolusion a mangsuporta iti programa ti SM mainaig iti Trash to Cash Program nga agdaman a maipatpatungpal.
Inbatad ti konsehal a babaen iti daytoy a programa ket matulungan ken masursuroan dagiti umili no kasano ti umiso a panag-recycle kadagiti basura ken adda ti nayun a pamastrekan dagiti umili.
Inpasingked na a saan a maapektaran dagiti junkshop ditoy siudad ti Laoag iti nasao a programa.
Innayonna a napateg daytoy tapno saan laeng a maibasura dagiti basura no diket adda pay ti pakaipapanan na.
