LAOAG CITY – Natay ti maysa a Chinese National kabayatan a mangiwaywayat ti inspeksion ti Solar Site iti Barangay 23, Bacsil iti ili ti Paoay.
Nabigbig ti biktima a ni Xiaoming Zhao, agtawen ti 41, naasawaan, Site Engineer, Chinese National ken tubo idiay Sichuan, China.
Segun ken ni P/Capt. Jackson Sugayen, Hepe ti Paoay Municipal Police Station, nagkamang iti kuerpo ti pulisia ni Kewen Qin, agtawen ti 43, naasawaan, Site Engineer ken tubo idiay Guangxi, China nga idi Enero 23, 2026 iti agarup 4:30 ti malem, kellaat lattan a natulid iti datar ti biktima kabayatan a mangiwaywayat ti inspeksion iti uneg ti Solar Site.
Gapu iti daytoy, insigida nga inasistiran da Libing Zhu ken Ricky James David ti biktima a napukawan ti puot a naitaray iti Mariano Marcos Memorial Hospital and Medical Center iti siudad ti Batac.
Nupay kasta, naideklar a dead on arrival ti biktima babaen iti attending Physician a ni Dr. Imran Llanes Mirza.
Naammoan a pimmusay ti biktima gapu iti Cardiac Arrest.
