LAOAG CITY – Naikeddeng a kataripnong ni White House border czar Tom Homan dagiti sumagmamano a residente ti Minnesota tapno ammoen dagiti kaririknada mainaig iti pannakaipatungpal ti pannakaipaiget ti Immigration Customs Enforcement (ICE).
Immunana a nakataripnong da Minnesota Governor Tim Walz, Attorney General Keith Ellison ken Minneapolis Mayor Jacob Frey pakairamanan dagiti sumagmamano nga opisial ti kapulisan.
Kunana nga adu dagiti tinalantanda iti baet a saan amin ket immannugot ken adu pay ti gagemda a mapagsasaritaan.
Kinaritna dagiti kontra iti maipatpatungpal a panangpaiget kadagiti Immigration and Customs Enforcement agents nga idanon iti kongreso ti arungaingda tapno mabalbaliwan ti linteg.
