LAOAG CITY – Nagballigi dagiti otoridad a nangarestar iti paset ti Brgy. Margaay iti ili ti Vintar ti maibilang kas Top 4 Regional Most Wanted Person iti Region 11.
Nabigbig ti akusado a ni alias “Encho”, agtawen ti 25, awanan ti asawa, taga Brgy. Magtuod, Ma-a, Davao City, Davao Del Sur, ngem agdama nga agnanaed iti Sitio Duntal, Brgy 23, San Matias ditoy ciudad ti Laoag.
Naarestar ti akusado babaen ti bileg ti warrant of arrest nga inparuk-at ni HON. RIO AIKO VALLEJOS INDIOLA, Presiding Judge, Regional Trial Court, Eleventh Judicial Region, Branch 53, Davao City, Davao Del Sur gapu iti kaso na a murder.
Awan ti nairekomendar a pagpiyansa ti akusado para iti temporaryo a pannakawaya-waya na.
Iti agdama, nagtalinaed ti akusado iti Criminal Investigation and Detection Group (CIDG) para iti umiso a dokumentasyon ken manamnama ti pannakaidatag na iti korte a naggapwan ti warrant of arrest.
