LAOAG CITY – Sangailien da King Charles III ken Queen Camilla ti presidente ti Nigeria, ti kaunaan nga ibibisita ti nadakamat a pagilian iti United Kingdom iti uneg ti 37 a tawen.
Inrakurak ti Buckingham Palace nga inawat da Nigerian President Bola Tinubu ken First Lady Oluremi Tinubu ti imbitasyon nga agbalin a bisita ni King Charles iti Windsor Castle manipod Marso 18 agingga iti Marso 19 ita a tawen.
Maibilang dagiti panagbisita iti estado kas maysa a kita ti soft-power diplomacy tapno papigsaen ti relasyon kadagiti napapateg nga international partners.
Maipalagip a ti naudi nga ibibisita ti Nigeria iti United Kingodm ket idi 1989, idi nagbiyahe ni military ruler Gen Ibrahim Babangida tapno makipagkita ken makasarita daydi Queen Elizabeth II para iti four-day trip.
Nupay daytoy ti damo a pormal state visit ni Tinubu diay United Kingdom, addan ti panagkita da ken ni King Charles kalpasan a nagtugaw iti pwesto kalpasan ti disputed election idi 2023.
Naikkan pay ti gundaway ni Tinubu ken ti asawa na a nakipagkita ken ni King Charles iti sidelines ti COP28 summit idiay Dubai.
