LAOAG CITY – Inbatad ni US Democratic Senator Mark Kelly a seryoso nga ikonkonsiderar na ti agpaidasig a para presidente intono 2028, kabayatan ti pannakilaban na iti Trump Administration mainaig iti maysa a video no sadinno a ginutigot na dagiti military personnel a saan da a tungpalen dagiti illegal a pammilin.
Ti Arizona senator ket immunan nga inakusaran na ti “seditious behaviour” ni US President Donald Trump mainaig iti video clip a naiparuk-at idi Nobyembre 2025 no sadinno a gapu iti komento ti presidente ket nakaawat da iti asawa na a ni Gabrielle Giffords, ti ado a pangta iti biag.
Gapu iti daytoy, kuna ni Kelly a nangala da iti asawa na ti security tapno adda ti mangbantay kadakuada iti 24 nga oras iti kada aldaw.
Inlawlawag na nga ikonkonsiderar na ti agpaidasig a para presidente ti Amerika gapu kadagiti makitkita na nga ado a karit a sangsangwen ti pagilian da.
