LAOAG CITY – Inkari ni North Korean leader Kim Jong Un a papigsaen na pay ti nuclear weapons program ti pagilian da.
Inrakurak daytoy ti North Korean Leader kabayatan ti panagatendar na ti military parade, kadwa na ti anak na a babai a ni Ju Ae.
Umabot iti 14 a ribo a soldado ti North Korea ti nagmartsa iti Kim Il Sung Square iti Pyongyang.
Nupay kasta, naobserbaran nga iti naisayangkat a parada ket awan dagiti naiparada a tangke, intercontinental ballistic missiles (ICBM), hypersonic glide vehicles, ken ti transporter-erector-launchers a kas kadagiti naar-aramid kadagiti naglabas a tawen.
