LAOAG CITY – Balligi a naisayangkat ti Liga ng mga Barangay Night ditoy siudad ti Laoag.
Bigbigen ni Liga ng mga Barangay President Rbee Ablan ti amin a naggapoan dagiti opisial ti barangay isut gapuna a kabayatan ti Barangay Night ket ditoy a naipaay kadakuada ti pammigbig.
Segun ken ni Ablan, babaen iti daytoy a programa ket maipadanon ti panagyaman kadagiti sakripisio nga ipapaay dagiti opisial ti barangay kadagiti kabarangayanda.
Inbatadna nga ibilangna a nagasatda gapu ta pinatgan ni Sec. Oscar Valenzuela, ti Chairperson ti Dangerous Drugs Board nga agbalin daytoy a kangrunaan a sangailida.
Kunana nga adda ti naisayangkat a raffle draw para kadagiti amin nga opisial ti barangay a daytoy ket inisponsoran ti sumagmamano nga indibidual ken opisial ti siudad ken probinsia pakairamanan ti Liga ng mga Barangay President.
