LAOAG CITY – Nakiraman metten ti kaalyado ti Iran a militante a grupo nga Hezbollah nga adda idiay Lebanon iti gubat kontra iti Israel ken Amerika.
Daytoy ket tapno ibales ti pannakatay ni Iran Supreme Leader Ayatollah Khamenei.
Kinumpirmaran ti Hezbollah a nangiyuswat daytoy ti missiles ken drone strikes iti Israeli army base iti laud ti Haifa, no sadinno a daytoy ti kaunaan a rocket a pinatayab ti militante a grupo a nangburak ti katulagan da ti Israel idi Nobiyembre 2024.
Iti maysa nga statement, kinumpirmaran ti Hezbollah a pinuntirya da ti Mishmar HaCarmel missile-defense site id tengnga ti rabii ti Lunes, Marso 2.
Nupay kasta, basar iti Israeli military, na-intercept da ti projectile manipod iti Lebanon ken bimmagsak iti open areas.
Inawagan met ni Lebanon Prime Minister Nawat Salam ti panangiyuswat ti rockets manipod iti southern Lebanon kas irresponsable ken mapagduduwaan nga aramid.
Inpetteng ti Prime Minister a saan da nga ipalubos a ti pagilian da ket mairaman iti sabali manan a rinnupak ken aramiden da amin a kabaelan da tapno mapagsardeng dagiti responsable iti panagatake ken protehiran dagiti umili ti Lebanon.
