LAOAG CITY – Inlawlawag ti maysa a private lawyer a ni Atty. Ereneo Kidd Castro nga addan ti agdama a maipatpatungpal a linteg a nakaipalaunan dagiti mapaspasamak kabayatan ti road rage.
Kuna na nga adda ti kaibatugan a pannusa a maipataw iti siasinno man a mairaman iti road rage, agdepende no ania dagiti nalabsing na iti linteg a maipatpatungpal iti agdama.
Inbatad na no adda ti mangdangran ti maysa a driver ket sumango ti physical injury, idinto a no agpangta ket agtennag iti grave threat; direct assault met no agtutuk ti paltog ken no makapatay ket mabalin nga homicide wenno murder.
Nupay kasta, inrakurak ni Atty. Castro a babaen iti inpila a gakat ni Ilocos Norte 1st District Representative ken Majority Leader Sandro Marcos a anti-road rage act ket mangipaay ti nalawlawa a depinisyon ti road rage.
Innayon na a saanen a kasapulan a pagsisinaen ti physical injury, grave threat; direct assault, homicide wenno murder a nakaipalaon iti Revised Penal Code gapu ta addan ti specific a kaso a sangwen ti maysa nga indibidual a nairaman iti road rage.
Malaksid iti daytoy, maaddaan payen ti graduated penalties no kasanu ti kadagsen ti naaramid a krimen iti babaen ti linteg.
