LAOAG CITY – Mangisayangkat ti nagduduma nga aktibidad ti Ilocos Norte Police Provincial Office kas paset ti womens month celebration.
Daytoy ti inpakaammo ni Police Lieutenant Rowena Coloma, ti Family, Juvenile, Gender and Development Officer ditoy probinsya.
Kunana nga immunan a nangiwayat da ti thanksgiving mass kalpasan na ket adda ti naisayangkat a kick off ceremony iti Tanglaw Diwa hall.
Inpakaammo na a ti kangrunaan nga highlight kabayatan ti kickoff ceremony ket ti pannakaipaay ti pammigbig kadagiti personnel a nangipaay ti outstanding service kadagiti stations and units.
Karaman ditoy ti dua nga uniformed personnel ti naipaayan ti pammadayaw gapu iti support program ti Ilocos Norte Police Provincial Office.
Maiwayat met ti Kinni-Kinni parade iti koordinasyon ti gobierno probinsyal intono Marso 9 idinto a maangay ti self-defence training intono Marso 18 ita a tawen.
