LAOAG CITY – Manarimmaan ti pannakaiwayat iti 2026 Regional Festival of Talents ditoy ciudad ti Laoag.
Pormal a nalukatan ti aktibidad iti Laoag City Hall Multi-Purpose Hall nga inatendaran dagiti Provincial Officials nga indauluan ni Gov. Cecilia Araneta-Marcos, Mayor James Bryan Alcid, Department of Education Regional Office, Schools Division Superintendent kadagiti 14 a Divisions ti Region 1 ken dadduma pay a bisita.
Iti opening program, naipabuya kadagiti bisita ti kultura, ken tradision iti probinsia no sadinno a naitampok pay ti kalesa a maysa kadagiti kangrunaan a pakabigbigan ditoy ciudad ti Laoag.
Ti Regional Festival of Talents ti pangipakitaan dagiti agad-adal ti laing ken talento da iti nagduduma nga aspeto iti arts, teknolohia ken lenguwahe.
Kabayatanna, paglalabanan dagiti agtutubo ti technolympics wenno ti technical-vocational skills ,Sining Tanghalan, siyensia ken matematika, ken dadduma pay.
