LAOAG CITY – Binabalaw ni Vice President Sara Duterte ti panagulimek ti sumagmamano a civil society ken dadduma pay a grupo a lumablaban iti flood control.
Inbatad ni Duterte a saan a taltalantanen ti grupo ti ilablaban dagiti dimmatag a 18 a marines a maipagarup nga adda iti babaen ni dati a Representative Zaldy Co.
Inlawlawagna a makapasul-ot ti panagulimek ti grupo ken saan a supsuportan ti ikalkalintegan dagiti 18 a marines.
Maipalagip a nangipeksa ti suporta ni Duterte kadagiti 18 a marines gapu iti kinatured nga inpakitada tapno ibutaktak ti panagbayad ti nakamaleta a kuarta kadagiti sumagmamano nga opisial ti gobierno pakairamanan dagiti imbestigador ti International Criminal Court (ICC).
